తేది:26-11-2025 హైదరాబాద్ లో డాక్టర్ రాధా కుసుమగారికి డా బి ఆర్ అంబేద్కర్ జాతీయ జీవన సాఫల్య పురస్కారం….

0
5

డాక్టర్ రాధా కుసుమకు డా.బి.ఆర్. అంబేద్కర్ జాతీయ జీవన సాఫల్య పురస్కారం దళితాభ్యుదయం కోసం పోరాడిన తొలి తెలుగు దళిత కవి,మధ్యపాన నిషేధం కోసం అహర్నిశలు శ్రమించిన సంఘసంస్కర్త మాకొద్దీ నల్లదొర తనమంటూ నినదించిన ఉద్యమసారధి, సమానత కోసం జయభేరి మ్రోగించిన కవనధీరుడు,హరిజన శతకాన్ని రాసి కలంతో కుల వ్యవస్థ పునాదులు పెకలించిన కలం యోధుడు కుసుమ ధర్మన్న అని అటువంటి వైతాళికుని వారసత్వాన్ని అందిపుచ్చుకుని కుసుమ ధర్మన్న కళాపీఠాన్ని స్థాపించి సాహితీ సేవలు అందిస్తున్న డా రాధా కుసుమకు అంబేద్కర్ జాతీయ జీవన సాఫల్య పురస్కారం అభినందనీయమని రవీంద్ర భారతిలో జరిగిన సాహితీ సభలో పురస్కారం అందిస్తూ అనేక మంది వక్తలు ప్రశంసించారు. వేము సాహితీ సాంస్కృతిక సేవా సంస్థ రజతోత్సవ సందర్భంగా డా రాధా కుసుమకు పురస్కారాన్ని అందిస్తూ వ్యవస్థాపక అధ్యక్షులు వేము వందనం మాట్లాడుతూ డా రాధా కుసుమ కుసుమ ధర్మన్న కళాపీఠాన్ని స్థాపించి ఉభయ తెలుగు రాష్ట్రాల్లో క్రమం తప్పకుండా ప్రముఖులకు కుసుమ ధర్మన్న జాతీయ సాహితీ పురస్కారాన్ని అందిస్తున్నారని ఇప్పటివరకు ప్రముఖ సాహితీ వేత్తలైన మల్లె తీగ పత్రికా వ్యవస్థాపకులు కలిమిశ్రీ, ప్రముఖ సాహితీ వేత్తలైన నన్నయ విశ్వవిద్యాలయ తెలుగు శాఖాచార్యులు డాక్టర్ తరపట్ల సత్యనారాయణ గారు, ప్రముఖ కవి వాగ్గేయకారులైన గోరటి వెంకన్న, ప్రముఖ కవి సభా సామ్రాట్ డా బిక్కి కృష్ణ పురస్కారాలు అందించడం వారి సాహితీ సేవకు నిదర్శనమన్నారు. సహస్ర కవి సమ్మేళనాలను నిర్వహించి, శతాధిక సత్కారాలను సొంతం చేసుకున్నారు. వీటితో పాటు కుసుమ జయభేరి మాసపత్రిక నిర్వహిస్తూ కుసుమ ధర్మన్న కళాపీఠం ఇప్పటివరకు అనేక గ్రంథాలను ప్రచురించారు. ఇటువంటి ప్రతిభాపాటవాలు కలిగిన కవయిత్రి డాక్టర్ రాధా కుసుమకు జాతీయ జీవన సాఫల్య పురస్కారం లభించడం ఎంతో ముదావహం అని రవీంద్ర భారతిలో జరిగిన సాహితీ సభలో పాల్గొన్న అతిథులు తెలంగాణ జన సమితి అధ్యక్షుడు ప్రొఫెసర్ కోదండరాం, సాహిత్య అకాడమీ కార్యదర్శి బాలా చారి, కవి విమర్శకులు రామకృష్ణ చంద్రమౌళి, గోల్కొండ సాహితీ కళా సమితి అధ్యక్షుడు చంద్ర ప్రకాష్ రెడ్డి, హైకోర్టు అడ్వకేట్ యుగంధర్ రెడ్డి , సీనియర్ జర్నలిస్ట్ శ్రీమాన్, ప్రజ్ఞా రాజు, ప్రముఖ కవి గంటా మనోహర్ రెడ్డి, బత్తిని మొగలయ్య, తెలుగు భాషా చైతన్య సమితి అధ్యక్షులు బడే సాహెబ్, పాలడుగు కళాపీఠం అధ్యక్షులు సరోజినీ దేవి, పీవీపీ అంజనీ కుమారి కొనియాడారు.

LEAVE A REPLY

Please enter your comment!
Please enter your name here